Կատարն աշխատանքներ է տանում երկարաժամկետ աջակցություն տրամադրել Լիբանանին՝ հեղուկ բնական գազ մատակարարելով: Այս մասին հայտարարել է Կատարի էներգետիկայի նախարար Սաադ Ալ-Քաաբին մամուլի ասուլիսում:
Ալ-Քաաբին ողջունել է Եգիպտոսի կարճաժամկետ լուծումը, որը հնարավորություն է տալիս Լիբանանին բնական գազ մատակարարել՝ օգտագործելով Սիրիայի և Հորդանանի տարածքով անցնող գազամուղները:
Իր հերթին Եգիպտոսի նավթի նախարար Տարիկ Ալ-Մոլլան հայտնել է, որ գազամատակարարմանն առնչվող աշխատանքները լիբանանցի պաշտոնյաների հետ շարունակվում են: Նա ընդգծել է, որ մասնակից կողմերի միջև տեղի են ունեցել մի շարք հանդիպումներ, և բոլոր կողմերի համար համաձայնեցվել են պայմանագրերի հավասարակշռված պայմաններ:
Եգիպտացի պաշտոնյան մանրամասնել է, որ Համաշխարհային բանկը ֆինանսավորելու է գազի մատակարարման գործընթացը: Նա նաև ավելացրել է, որ այս գործընթացն արագացնելու համար քաղաքական համաձայնություն կա և առաջիկա մի քանի շաբաթների ընթացքում հնարավոր կլինի գազ մատակարարել Լիբանանին:
Հետևեք մեզ տելեգրամում
