Իրանի արտաքին գործերի նախարար Մոհամադ Ջավադ Զարիֆը հայտարարել Է, որ ԱՄՆ-ի հետ բանակցությունների միակ ձևաչափը «5+1 խումբն» Է (Ֆրանսիա, Մեծ Բրիտանիա, Գերմանիա, Ռուսաստան, Չինաստան եւ ԱՄՆ), և Ամերիկայից փոխհատուցումներ Է պահանջել Գործողությունների համատեղ համապարփակ ծրագրից (ԳՀՀԾ) Նահանգների դուրս գալու պատճառով:
Ավելի վաղ Մեծ Բրիտանիայի վարչապետ Բորիս Ջոնսոնը հնարավոր Է համարել իրանական միջուկային գործարքի վերաբերյալ Գործողությունների համատեղ համապարփակ ծրագրի փոխարինումը նոր համաձայնագրով՝ ԱՄՆ-ի նախագահ Դոնալդ Թրամփի պայմաններով՝ այն անվանելով «Թրամփի գործարք»:
«Դոնալդ Թրամփն առաջվա պես երազում Է (Իրանի հետ – խմբ.) երկկողմ հանդիպման մասին, որպեսզի հագեցնի «Թրամփի գործարքի» (կնքման – խմբ.) իր ծարավը: Դա ցանկալին իրականի տեղ ընդունել Է: Բանակցություններ վարելու միակ հնարավոր վայրը «5+1 խմբի» ձևաչափով սեղանի շուրջն Է, որը նա լքել Է,- (նաև անհրաժեշտ են – խմբ.) վերադարձ մինչև 2017 թվականի դրությունը և փոխհատուցումներ Իրանին վնասների համար»,- գրել Է Զարիֆը Twitter-ում:
Հետևեք մեզ տելեգրամում
