Ուրուգվայում հրատարակվող «El Pais» թերթի համար հրապարակվել է Թուրքիայի արտաքին գործերի նախարար Մևլութ Չավուշօղլուի հոդվածը, որտեղ Չավուշօղլուն բացի թուրք-ուրուգվայական հարաբերություններից խոսել է նաև Հարավային Կովկասում տիրող իրավիճակի մասին:
«Վստահ եմ, որ Ուրուգվայի ժողովուրդն ու կառավարությունն աջակցություն կցուցաբերեն Թուրքիայի, Հայաստանի և Ադրբեջանի ջանքերին, որոնց նպատակն է տարածաշրջանում մնայուն խաղաղություն և կայունություն հաստատել, քանի որ այս գործընթացում մեր բարեկամներին մեր կողքին տեսնելը մեզ ավելի ուժեղ է դաձնում»:
Տեղեկացնենք, որ Ուրուգվայ կատարելիք այցը Չավուշօղլուի համար առաջինն է: Այցի ընթացքում բացվելու է Ուրուգվայում Թուրքիայի դեսպանատունը, որի մասին իրազեկվել էր ավելի վաղ:
Նշենք, որ Հայոց ցեղասպանության փաստն աշխարհում առաջինը պաշտոնապես ընդունել, ճանաչել և դատապարտել է Ուրուգվայը 1965 թվականին։
Հետևեք մեզ տելեգրամում
