Ֆրանսիան և Սաուդյան Արաբիայի թագավորությունը համաձայնության են եկել Լիբանանին աջակցելու համար 30 միլիոն եվրո փոխանցել:
Սաուդա-ֆրանսիական այս նախագիծը ճգնաժամից տուժած Լիբանանում կֆինանսավորի մի շարք մարդասիրական և զարգացման նախաձեռնություններ:
Համաձայն Բեյրութում Ֆրանսիայի դեսպանատան հայտարարության՝ միջոցներ կտրամադրվեն Լիբանանին՝ առաջին հերթին կենտրոնանալով պարենային անվտանգության վրա, ինչպես նաև առավել խոցելի խավերի համար առաջին բուժօգնության հասանելիությունը կդյուրացվի:
Հայտարարությունում նշվել է, որ միջոցներ են տրամադրվելու հատկապես Լիբանանի ամենաաղքատ քաղաքի՝ Տրիպոլիի գլխավոր պետական հիվանդանոցին։
Իր հերթին Լիբանանում Սաուդյան Արաբիայի դեսպան Վալիդ Բուխարին ընդգծել է, որ «կֆինանսավորեն պարենային անվտանգության, առողջապահության, կրթության, էներգետիկայի, ջրային և ներքին անվտանգության ոլորտները»:
Հետևեք մեզ տելեգրամում
