ՀՀ-ում հավատարմագրված դիվանագիտական առաքելությունների ղեկավարներն ու ներկայացուցիչները շարունակում են այցելել ՀՀ-ում ԱՄԷ դեսպանություն՝ իրենց ցավակցությունը հայտնելու լուսահոգի շեյխ Խալիֆա բըն Զայեդ Ալ-Նահյանի մահվան կապակցությամբ։ Այս մասին տեղեկացնում է ՀՀ-ում ԱՄԷ-ի դեսպանությունը:
Իրենց ցավակցությունն են հայտնել ՀՀ-ում Թուրքմենստանի դեսպան Ն․Գ․ Մուհամմադ Ջիլդի Այազոֆը, ՀՀ-ում Լիբանանի դեսպան Ն․Գ․ Մայա Դաղերը, ՀՀ-ում Գերմանիայի դեսպան Ն․Գ․ Վիկտոր Ռիխտերը, ՀՀ-ում Սիրիայի դեսպանության գործերի ժամանակավոր հավատարմատար Ահմադ ալ-Ֆարիյան, ՀՀ-ում Ուրուգվայի դեսպանության գործերի ժամանակավոր հավատարմատար Էդուարդո Ռոզենբերգը, ՀՀ-ում Իրանի փոխդեսպան Ալի Մոթաղին, ՀՀ-ում Հնդկաստանի դեսպան Ն․Գ․ Քիշան Դան Դիվալը, ՀՀ-ում Մեծ Բրիտանիայի դեսպանության գործերի ժամանակավոր հավատարմատար Վիկտոր Կլարկը:
Հիշեցնենք, որ մայիսի 13-ին 73 տարեկանում մահացել է Արաբական Միացյալ Էմիրությունների նախագահ Խալիֆա բըն Զայեդ Ալ֊Նահյանը:
Հետևեք մեզ տելեգրամում
