Իրանի արտգործնախարար Հոսեյն Ամիր Աբդոլլահիանի այցը Թուրքիա հետաձգվել է: Տեղեկությունը հայտնել է Իրանական պետական İSNA լրատվական գործակալությունը:
Այցի հետաձգման մասին գրել են նաև թուրքական ԶԼՄ-ները: Մասնավորապես՝ «Yeniçağ gazetesi» լրատվական կայքը, հղում անելով դիվանագիտական աղբյուրներից ստացած տեղեկությանը, հայտնել է, որ Իրանի արտգործնախարարի հունիսի 6-ին սպասվող այցը հետաձգվել է անորոշ ժամանակով:
Նշվել է, որ այցի հետաձգման պատճառն այն է, որ երկու նախարարների հունիսի 6-ի աշխատանքային գրաֆիկը հնարավոր չի եղել համադրել:
Հետևեք մեզ տելեգրամում
