Կատարի արտգործնախարար Աբդուլ Ռահման Ալ-Թանին հայտնել է, որ Դոհան շարունակում է հաղորդակցվել Թեհրանի և Վաշինգտոնի հետ Վիեննայի բանակցություններին վերադառնալու շուրջ ընդհանուր մոտեցում գտնելու համար:
Al Jazeera-ին տված հարցազրույցում Ալ-Թանին պարզաբանել է, որ Վիեննայի բանակցությունները չեն տապալվել, իսկ Կատարի շփումներն Իրանի հետ այդ բանակցություններին չեն փոխարինում, այլ աջակցում են վերադառնալ համաձայնագրին:
Կատարի արտգործնախարարի խոսքով՝ Դոհան ցանկանում է, որ կողմերը վերադառնան միջուկային համաձայնագրին, քանի որ այն հանդիսանում է տարածաշրջանում անվտանգության և խաղաղության հիմնարար հենասյունը:
Ալ-Թանին նաև մատնանշել է, որ Կատարը համագործակցում է Վաշինգտոնի և միջազգային այլ գործընկերների հետ համաշխարհային էներգետիկ շուկայի կայունության վերականգնման ուղղությամբ:
Հետևեք մեզ տելեգրամում
