Ռուսաստանում Իսրայելի դեսպան Ալեքսանդր Բեն Ցվին Մոսկվայում հանդիպել է Ռուսաստանի փոխարտգործնախարար Միխայիլ Բոգդանովի հետ՝ երկրների միջև հարաբերությունների վատթարացման ֆոնին:
Արտաքին գործերի նախարարությունը հաստատել է, որ հանդիպումը երկուշաբթի է տեղի ունեցել, սակայն հրաժարվել է այլ մանրամասներ տրամադրել։
Նշենք, որ վերջին շրջանում Երուսաղեմի և Մոսկվայի միջև լարվածություն աճել է այն բանից հետո, երբ Ռուսաստանում փակվեց հրեական գործակալությունը, որը նպաստում է հրեական արտագաղթին Իսրայել: Բացի այդ՝ հրեական որոշ կազմակերպություններ նույնպես փակվել են: Դրանք մեղադրվում են անօրինական ճանապարհով Ռուսաստանի քաղաքացիների մասին տեղեկություններ հավաքագրելու մեջ:
Անցյալ ամիս Ռուսաստանի արդարադատության նախարարությունը միջնորդություն էր ներկայացրել երկրում հրեական գործակալության գրասենյակները փակելու մասին՝ պնդելով, որ այն խախտել է տեղական օրենքները:
Իսկ Իսրայելի վարչապետ Յաիր Լապիդը հայտարարել էր, որ Մոսկվայի կողմից հրեական գործակալության փակումը «լուրջ իրադարձություն կլինի, որը հետևանքներ կունենա» ռուս-իսրայելական հարաբերությունների վրա։
Հետևեք մեզ տելեգրամում
