Իսրայելի ռազմաօդային ուժերը հարվածել են Հալեպի օդանավակայանին: Հրթիռակոծության արդյունքում վնասվել է թռիչքուղին, իսկ օդանավակայանը դադարեցրել է աշխատանքը:
Տեղեկությունը հայտնել է սիրիական պետական SANA լրատվամիջոցը՝ վկայակոչելով ռազմական աղբյուրներին։
Լրատվամիջոցի տեղեկություններով՝ Իսրայելի ռազմաօդային ուժերը հարձակումն իրականացրել են Լաթաքիայի արևմտյան հատվածից: Սիրիայի հակաօդային պաշտպանությունը խոցել է արձակված հրթիռներից մի քանիսը:
Al Arabiya-իր հերթին հայտնել է, որ Իսրայելը օգտագործել է F-35 կործանիչներ:
Հատկանշական է, որ վերջին շաբաթվա ընթացքում սա երկրորդ հարձակումն է: Օգոստոսի 31-ին Իսրայելը հրթիռներ էր արձակել դարձյալ Հալեպի օդանավակայանի ուղղությամբ: Իսկ Reuters-ը գրում է, որ Իսրայելը հարվածում է Սիրիայի օդանավակայաններին, որպեսզի խափանի Թեհրանի կողմից տրամադրվող սպառազինությունների մատակարարումը՝ հատկապես «Հեզբոլլահին»:
Հետևեք մեզ տելեգրամում
