Իսրայելի նախկին վարչապետ Էհուդ Օլմերթը երեկ իսրայելական I24NEWS հեռուստաալիքի արաբերեն բաժնին հարցազրույց է տվել և ուշագրավ բացահայտումներ արել:
Օլմերթը նշել է, որ իր կառավարման ժամանակ Իսրայելը տեղեկություններ ուներ այն մասին, որ Սիրիան գաղտնի ծրագրեր է մշակում միջուկային զենք ստանալու համար:
Իսրայելի նախկին վարչապետը մանրամասնել է, որ 2007 թվականի մարտին «Մոսադի» ղեկավարը իրեն ցույց է տվել 50 լուսանկար, որոնք փաստում են, թե Սիրիայի Դեր Զոր նահանգում՝ «Ալ-Քիբար» համալիրում գաղտնի կերպով պայմաններ են ստեղծվում միջուկային զենքի ձեռքբերման համար:
Նրա խոսքով՝ 15 տարի առաջ՝ 2007 թվականի սեպտեմբերի 6-ին Իսրայելը ոչնչացրել է այդ համալիրը:
Հիշեցնենք, որ Էհուդ Օլմերթը որպես Իսրայելի 12-րդ վարչապետ պաշտոնավարել է 2006 – 2009 թթ.-ին: Նա պարբերաբար մեղադրվել է կաշառակերության և խոշոր գումարների յուրացման մեջ:
Հետևեք մեզ տելեգրամում
