Երեկ Վրաստանի հայկական համայնքի ներկայացուցիչները հանդիպել են «Տրիբունա» շարժման հիմնադիր և նախագահ Դավիթ Ճիճինաձեի հետ։ Տեղեկությունը հայտնում է Վրաստանի հայկական համայնքը:
Հանդիպման ընթացքում Դավիթ Ճիճինաձեն իր կարծիքն է արտահայտել տարածված աղմկահարույց տեսահոլովակի մասին, որտեղ Վրաստանի քաղաքացին Վրաստանում բնակվող հայերի նկատմամբ հնչեցրել է վիրավորանքներ և սպառնալիքներ:
Շարժման հիմնադիրը շեշտել է, որ այդ անձը չի եղել կուսակցության անդամ, այլ ուղղակի ակտիվիստ էր։
Հաղորդվել է նաև, որ մոտակա օրերին կուսակցության կենտրոնական գրասենյակում կայանալու է մամուլի ասուլիս, որտեղ Դավիթ Ճիճինաձեն այս դեպքի շուրջ կներկայացնի ավելի լայն հանրությանը:
Հետևեք մեզ տելեգրամում
