Լիբանանը 12-րդ անգամ ձախողել է նախագահի ընտրությունը՝ անհրաժեշտ քվորումն ապահովելու անկարողության պատճառով:
Ինչպես հայտնում են լիբանանյան ԶԼՄ-ները, հիմնական մրցակցությունն ընթանում էր Հեզբոլլահի աջակցությունը վայելող Սուլեյման Ֆրանժիեի և Ջիհադ Ազուրի միջև, ում սատարում էին ընդդիմադիր պատգամավորները:
Լիբանանյան պաշտոնական լրատվամիջոցը հայտնել է, որ Ջիհադ Ազուրը ստացել է 59 ձայն, Սլեյման Ֆրանգիեն՝ 51, Զիադ Բարուդը՝ 7 , «Նոր Լիբանանը»՝ 8 , Ժոզեֆ Աունը՝ մեկ ձայն: Մեկ պատգամավոր դատարկ քվեաթերթիկ է նետել քվեատուփ, իսկ ևս մեկ քվեաթերթիկ չեղյալ է հայտարարվել։
Նշենք, որ Լիբանանի խորհրդարանի կազմում կան 128 պատգամավորներ: Նախագահի ընտրության առաջին փուլում անհրաժեշտ է օրենսդիրների երկու երրորդի մեծամասնությունը: Ձախողելու դեպքում պետք է կայանա ընտրության երկրորդ փուլը, որում պահանջվում է միայն ձայների մեծամասնություն:
Հետևեք մեզ տելեգրամում
