Ռուսաստանի, Սիրիայի, Թուրքիայի և Իրանի փոխարտգործնախարարները կհանդիպեն հունիսի 21-ին Ղազախաստանի մայրաքաղաք Աստանայում՝ սիրիական ճգնաժամի շուրջ քննարկումներ անցկացնելու համար:
«Ռուսական մեծ պատվիրակություն է մեկնելու Աստանա՝ մասնակցելու այդ հանդիպմանը»,- չորեքշաբթի մամուլի ասուլիսում ասել է Մերձավոր Արևելքի և Աֆրիկայի հարցերով ՌԴ նախագահի հատուկ բանագնաց և փոխարտգործնախարար Միխայիլ Բոգդանովը։
Al Arabiya-ն հիշեցրել է, որ դեռևս մայիսի 10-ին Մոսկվայում կայացած քառակողմ հանդիպման ժամանակ պայմանավորվածություն էր ձեռք բերվել իրականացնել փոխարտգործնախարարների հանդիպում՝ Սիրիա-Թուրքիա հարաբերությունների կարգավորման ճանապարհային քարտեզը նախապատրաստելու համար:
Հանդիպման ընթացքում սիրիական կողմն իր հերթին շեշտել է Սիրիայի տարածքից թուրքական զինված ուժերի անհապաղ դուրսբերման, Սիրիայի ներքին գործերին չմիջամտելու և ահաբեկչությանը տրամադրվող աջակցության դադարեցման անհրաժեշտությունը:
Հետևեք մեզ տելեգրամում
