Մարտի 2-ին Իսրայելում տեղի ունեցած արտահերթ խորհրդարանական ընտրություններում նախնական տվյալներով հաղթել է գործող վարչապետ Բենիամին Նեթանյահուի «Լիկուդ» կուսակցությունը:
Ըստ ընտրությունների արդյունքների՝ «Լիկուդը» ստացել է ընտրողների ձայների 28,73 %-ը, և 120 տեղանոց խորհրդարանում կարող է ստանալ 35 տեղ, իսկ մրցակից Բենի Գանցի «Կահոլ-Լավան» դաշինքը՝ ընտրողների ձայների 23.26%, այսինքն 28 տեղ:
Նեթանյահուին աջակցող աջ և կրոնական կուսակցություններից ուլտրա-ուղղափառ «Հրեական Թորան», «ՇԱՍ»-ը ստանում են յուրաքանչյուրը 11 տեղ, իսկ ուլտրա-աջ Յամինան՝ 7:
Նեթանյահուն հույս ունի, որ դաշնակիցների հետ քննարկումների արդյունքում կկարողանան խորհրդարանում մեծամասնություն կազմել և նոր կառավարություն ձևավորել:
Հետևեք մեզ տելեգրամում
