Ռուսաստանի, Սիրիայի, Թուրքիայի եւ Իրանի ԱԳ նախարարների նոր հանդիպում անցկացնելու հարցը քննարկվում է: Այս մասին հայտնում է ՌԻԱ Նովոստին՝ վկայակոչելով ռուսական դիվանագիտական գերատեսչության աղբյուրը։
«Այդ հարցը քննարկվում է։ Բայց արդյունքի հասնելու համար պետք է, որ բոլոր նախարարների գրաֆիկները համընկնեն»,-ասել է աղբյուրը։
Չորս երկրների ԱԳ նախարարներն առաջին հանդիպումն անցկացրել են Մոսկվայում մայիսի 10-ին: Դրա արդյունքներով նախարարները կարգադրել են պատրաստել Թուրքիայի եւ Սիրիայի միջեւ հարաբերությունների կարգավորման ճանապարհային քարտեզի նախագիծը։
Հետևեք մեզ տելեգրամում
