Իրանի ԱԳՆ խոսնակ Նասեր Քանանին հայտարարել է, որ Թեհրանում Ադրբեջանի դեսպանատան վերաբացման հարցում կոնսենսուս կա:
«Լավ բանակցություններ ու խորհրդակցություններ են անցկացվել: Տա՛ Աստված, Թեհրանում Ադրբեջանի դեսպանատունը կվերսկսի իր գործունեությունը»,- նշել է խոսնակն՝ անդրադառնալով Ադրբեջանի նախագահի հատուկ հանձնարարությունների գծով ներկայացուցչի Թեհրան այցին:
Քանանին խոսել է նաև Կասպից ծովում Իրանի ու Ադրբեջանի համատեղ զորավարժության մասին՝ հավելելով, որ ռազմական համագործակցության հարցով «լավ ու կառուցողական» հանդիպումներ են անցկացվել:
«Մանրամասների չեմ տիրապետում: Եթե անհրաժեշտություն լինի, ԶՈւ գլխավոր շտաբը հանդես կգա պարզաբանմամբ»,- նշել է Իրանի ԱԳՆ խոսնակը:
Հետևեք մեզ տելեգրամում
