Հայաստանի ինքնիշխանության և տարածքային ամբողջականության ցանկացած խախտում կբերի լուրջ հետևանքների։ Այս մասին հայտնել է ԱՄՆ պետքարտուղարությունը՝ պատասխանելով «Ամերիկայի ձայնի» հարցմանը:
«Միացյալ Նահանգները վճռականորեն աջակցում է Հայաստանի ինքնիշխանությանը և տարածքային ամբողջականությանը: Մենք ընդգծել ենք, որ այդ ինքնիշխանության և տարածքային ամբողջականության ցանկացած խախտում կբերի լուրջ հետևանքների»,- նշված է պետքարտուղարության պատասխանում։
Պետքարտուղարությունը կրկնել է ուժ չկիրառելու հորդորը և հավելել, որ հետևում է իրավիճակին:
«Հայաստանը Միացյալ Նահանգների մտերիմ գործընկերն է ու բարեկամը, և մենք ակնկալում ենք աշխատել Հայաստանի իշխանությունների հետ՝ ամրապնդելու համար Հայաստանի քաղաքական և տնտեսական անվտանգությունը»,- ասված է պատասխանում։
Հոկտեմբերի 31-ին Լեմկինի Ցեղասպանության կանխարգելման ինստիտուտը խորը մտահոգություն էր հայտնել առաջիկա օրերին և շաբաթներին Ադրբեջանի կողմից Հայաստան ներխուժելու հավանականության մասին:
Հետևեք մեզ տելեգրամում
