Մատենդարանի տնօրեն Արայիկ Խզմալյանի գլխավորած պատվիրակությունը հանդիպել է Իրանի ազգային գրադարանի տնօրեն Ալիռեզա Մոխթարփուրի հետ: Տեղեկությունը փոխանցում է իրանական mehrnews լրատվամիջոցը:
Համաձայն աղբյուրի՝ զրուցակիցները քննարկել են երկկողմ համագործակցությանն առնչվող հարցերի շրջանակ: Կողմերը հույս են հայտնել, որ հնարավոր կլինի համագործակցության հուշագիր ստորագրել:
Մոխթարփուրը նշել է, որ Իրանի Ազգային գրադարանում հայերեն 5 ձեռագիր, 300 գիրք և հայերի մասին 400 գիրք է պահվում, ուստի մտադիր են հուշագրի շրջանակներում Իրանի ազգային գրադարանի սրահում Հայաստանի վերաբերյալ տարածք հատկացնել:
Հետևեք մեզ տելեգրամում
