Վրաստանը տարածաշրջանում ռազմավարական գործընկերություն ունի Թուրքիայի, Ադրբեջանի ու Հայաստանի հետ: Այս մասին հայտարարել է Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն՝ կառավարությանը վստահություն հայտնելու հարցի քննարկման ընթացքում:
Պաշտոնյայի խոսքով՝ Թբիլիսին կշարունակի համագործակցությունն իր գլխավոր ռազմավարական գործընկերոջ՝ ԱՄՆ-ի հետ։
«Վրաստանը ներուժ ունի մի կողմից դառնալու հայ-ադրբեջանական հարաբերությունների կարգավորման կարևոր միջնորդ, մյուս կողմից՝ տարածաշրջանի երկրների և Եվրամիության միջև կապող կամուրջ։
Կարծում եմ՝ մենք պետք է օգտվենք այս հնարավորություններից, որոնք, ի վերջո, կնպաստեն ավելի մեծ տարածաշրջանային ինտեգրմանը և տարածաշրջանում խաղաղության ու կայունության ամրապնդմանը»,-ընդգծել է Սամխարաձեն։
Հետևեք մեզ տելեգրամում
