Գազայում ընթացող պատերազմը դադարեցնելու և պատանդներին ազատ արձակելու նպատակով ընթացող բանակցություններն արդեն երկրորդ օրն է, ինչ ընթանում են Կահիրեում:
Ինչպես գրում է Al Arabiya-ն, այսօր ՀԱՄԱՍ-ի ներկայացուցիչները ժամանել են Կահիրե՝ բանակցելու եգիպտական և կատարական կողմերի հետ:
Նշենք, որ երեկ միջնորդ կողմերի հետ բակացություններ էր վարում իսրայելական պատվիրակությունը:
Սպիտակ տան ազգային անվտանգության խորհրդի խոսնակ Ջոն Քիրբին Մոսադի հետ բանակցությունները որակել է որպես «կառուցողական և ճիշտ ուղղությամբ շարժվող»:
Հիշեցնենք, որ ԱՄՆ-ը հայտարարել է, որ չի աջակցի Ռաֆահում ցամաքային որև ռազմական գործողության՝ առանց խաղաղ բնակչության պաշտպանության «վստահելի ծրագրի»:
Իր հերթին Իսրայելի վարչապետ Բենիամին Նեթանյահուն ասել էր, որ «լիակատար հաղթանակի» անհնար է հասնել՝ առանց Ռաֆահում ՀԱՄԱՍ-ի լիակատար ոչնչացման:
Մինչ Կահիրեում շարունակվում են զինադադարի բանակցությունները, իսրայելական բանակը շարունակել է ռմբակոծել Գազայի հատվածը, որի արդյունքում սպանվել է 104 պաղեստինցի:
Հետևեք մեզ տելեգրամում
