Թուրքիայի նախկին արտգործնախարար Ա. Դավութօղլուն իր գլխավորած «Ապագա» և նաև «Երջանկություն» կուսակցությունների խորհրդարանական ընդհանուր ֆրակցիայի հետ հանդիպմանն ելույթ ունենալիս անդրադարձել է հայ-թուրքական կարգավորման գործընթացին, ինչպես նաև տարածաշրջանում տեղի ունեցող վերջին իրադարձություններին:
«Թուրքիան պետք է արագորեն կարգավորի իր հարաբերությունները Հայաստանի հետ։ Փոխադարձաբար պետք է բացվեն սահմանները ու դեսպանությունները և պետք է կանխել Միջին Արևելքի հրդեհի տարածումը դեպի Կովկաս», նշել է նա։
Անդրադառնալով Իրանի նախագահի հետ տեղի ունեցած ողբերգական պատահարին, Դավութօղլուն ընդգծել է.
«Եթե այս Իրանի նախագահի վթարի ետևում կա պատճառ, մահափորձ ցանկանում եմ, որ բացահայտվի, քանի որ Միջին Արևելքում ոչինչ պատահականություններով չի զարգանում։ Երեկ գնացի դեսպանատուն և ցավակցություններս հայտնեցի։ Չեմ սիրում դավադրության տեսությունները, բայց Թուրքիան պետք է մեծ խելամտությամբ գործի այն հարցում, որ Միջին Արևելքի հրդեհը չտարածվի Կովկասում»:
Հետևեք մեզ տելեգրամում
