«Թուրքիան շարունակում է լիակատար աջակցությունը Ադրբեջանին հայ-ադրբեջանական գործընթացում». Թուրքիայի ԱԳՆ

Թյուրքական երկրների խորհրդարանական ասամբլեայի նիստի ժամանակ  Թուրքիայի արտաքին գործերի նախարար Հաքան Ֆիդանը հայտարարել է, որ Թուրքիան շարունակում է իր լիակատար աջակցությունն Ադրբեջանին։

Թուրք նախարարը նաև ասել է. «Եթե խաղաղության պայմանագիրը ստորագրվի Ադրբեջանի և Հայաստանի միջև, դա դրական ազդեցություն կունենա ոչ միայն երկու երկրների, այլև ողջ տարածաշրջանի վրա»։

Նախարարը հայտնել է, որ «դրական զարգացումներ են տեղի ունեցել», մասնավորապես շեշտելով Մայիսի 11-ին Ալմաթիում արտգործնախարարներ Արարատ Միրզոյանի և Ջեյհուն Բայրամովի միջև տեղի ունեցած բանակցությունները, ինչպես նաև չորս գյուղերի փոխանցումը Ադրբեջանին։