Իրանի կառավարության խոսնակ Բահադորի Ջահրոմին անդրադարձել է Էբրահիմ Ռայիսի ուղղաթիռի վթարին:
Խոսնակը նշել է, որ հենց տեղեկացել են վթարի մասին, ոչ մի բան գաղտնի չի պահվել:
«Թռիչքի ժամանակ եղանակային պայմանները վատ չեն եղել և թռիչքի թույլտվություն եղել է: Պետք է ուսումնասիրվի, թե ինչու ուղղաթիռը վերև չի բարձրացել և մառախուղի մեջ է մտել»,- Ջահրոմիի խոսքերը մեջբերել է իրանական ISNA լրատվամիջոցը:
Ավելի վաղ ուղղաթիռի վթարի մասին մանրամասներ էր հայտնել Իրանի նախագահի գրասենյակը ղեկավարը: Նա ևս նշել էր, որ թռիչքի պահին եղանակային պայմանները լավ են եղել, իսկ թռիչքի ճանապարհին մառախուղ չի եղել:
Հետևեք մեզ տելեգրամում
