Հավաքական անվտանգության պայմանագրի կազմակերպությունը (ՀԱՊԿ) հուսով է, որ Երևանը պարզ կհստակեցնի իր հարաբերությունների հեռանկարները կառույցի հետ: Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը ՀԱՊԿ խորհրդարանական ասամբլեայի նիստում:
«Հուսով ենք, որ երկրի քաղաքական ղեկավարությունը կհստակեցնի իր հարաբերությունների հեռանկարները ՀԱՊԿ-ի հետ: Սա օգտակար կլինի մեր կազմակերպության բոլոր մասնակիցների համար՝ առաջին հերթին ապագա համատեղ գործունեությունը լիարժեք պլանավորելու համար»,- ասել է նա:
Միևնույն ժամանակ, գլխավոր քարտուղարը նշել է, որ վերջին մեկ տարվա ընթացքում հայ գործընկերները զգալիորեն կրճատել են իրենց մասնակցությունը կազմակերպության միջոցառումներին, սակայն փոխգործակցության հիմնական մեխանիզմները գործում են: Հայաստանի Հանրապետությունը շարունակում է լինել կազմակերպության լիիրավ անդամ, երկրի նկատմամբ բոլոր պարտավորությունները պահպանվում են ամբողջ ծավալով։
Հետևեք մեզ տելեգրամում
