Հունգարիայի վարչապետի մասնակցությունը Շուշիում կայացած գագաթաժողովին սկանդալ է ԵՄ-ի համար. ԵՄ պատգամավոր

Հունգարիայի վարչապետ Վիկտոր Օրբանի մասնակցությունը Լեռնային Ղարաբաղում Թյուրքական պետությունների կազմակերպության գագաթնաժողովին սկանդալ է ԵՄ-ի համար: Նման տեսակետ է հայտնել Եվրախորհրդարանի պատգամավոր Նատալի Լուազոն։

«Վիկտոր Օրբանի մասնակցությունը Թյուրքական պետությունների գագաթնաժողովին Հյուսիսային Կիպրոսի ներկայացուցչի հետ, այն էլ Լեռնային Ղարաբաղի քաղաքներից մեկում, ամոթալի է Հունգարիայի  և սկանդալ՝ Եվրոպայի համար։ Արդյո՞ք, Հունգարիայի վարչապետ Օրբանը կասկածի տակ է դնում Կիպրոսի խնդիրը», -X-ի իր միկրոբլոգում գրել է պատգամավորը:

Ավելի վաղ Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը հայտարարել էր, որ Հունգարիայի վարչապետ Վիկտոր Օրբանը ԵՄ-ից մանդատ չի ստացել այն Թյուրքական պետությունների կազմակերպության գագաթնաժողովում ներկայացնելու համար։