Համաձայնեցվում է 3+3 ձևաչափով հաջորդ հանդիպման ժամկետը․ ՌԴ դեսպան

Ներկայում համաձայնեցվում է տարածաշրջանային 3+3 ձևաչափով արտգործնախարարների մակարդակով հաջորդ հանդիպման ժամկետը: Այս մասին ՌԻԱ Նովոստիի հետ զրույցում ասել է Ադրբեջանում Ռուսաստանի դեսպան Միխայիլ Եվդոկիմովը։

«Համոզված ենք, որ Հարավային Կովկասում ցանկացած խնդիր պետք է լուծեն հենց տարածաշրջանի պետությունները՝ առանց արտաքին միջամտության։ Այս առումով օգտակար է 3+3 խորհրդատվական տարածաշրջանային հարթակը։ Ներկայում համաձայնեցվում է այս ձևաչափով հաջորդ նիստի օրը՝ արտգործնախարարների մակարդակով»,- հայտարարել է նա։

Ռուսաստանի դեսպանը քննադատել է նաև Հայաստանի կապերն Արևմուտքի հետ․ «Ընդհանուր առմամբ, Հայաստանի ներկայիս արտաքին քաղաքականությունը մտահոգիչ է այդ երկրի ապագայի համար։ Անվտանգության ոլորտում Արևմուտքի հետ համագործակցությունը, որպես կանոն, ոչ մի լավ բանի չի հանգեցնում»։