ԱՄՆ–ն թուրքական բանկերին զգուշացրել է, որ ՌԴ–ի հետ համագործակցությունը շարունակելու դեպքում կարող են պատժամիջոցների տակ հայտնվել։ Տեղեկությունը հայտնում է ՏԱՍՍ–ը` հղում անելով ֆինանսական խորհրդատվության ոլորտի իր աղբյուրին։
«Ճիշտ է, որ ԱՄՆ–ից պատվիրակություն է եկել և մեր երկրի բանկերին սպառնացել, որ այսպես կոչված ծածուկ և քողարկված պատժամիջոցներ կկիրառվեն ռուսական կողմի հետ փոխգործակցությունը շարունակելու համար», – ասել է գործակալության զրուցակիցը։
Նա միաժամանակ նշել է, որ թուրքական բանկերով հնարավոր է գործարքներ անել որոշ ընթացակարգեր պահպանելու պայմանով։ Դրա համար պետք է փաստաթղթեր և ապացույցներ ներկայացնել, որոնք հաստատում են, որ գործարքները չեն խախտում գործող պատժամիջոցները։
Ավելի վաղ «Aydinlik» թերթը հայտնել էր, որ Թուրքիայում ամերիկյան դեսպանատների և հյուպատոսությունների ներկայացուցիչները այցելել են նաև այլ ընկերություններ և ֆինանսական հաստատություններ` պատժամիջոցների սպառնալիքի տակ փորձելով նրանց համոզել, որ ՌԴ–ի հետ բիզնես չվարեն։
Հետևեք մեզ տելեգրամում
