Իրանական կայք. 120 հազար արցախահայեր ստիպված էին լքել իրենց տները

Իրանական Irdiplomacy վերլուծական կայքում հրապարակվել է Կենտրոնական Ասիայի և Կովկասի հարցերով փորձագետ Բահրամ Ամիրահմադիանի հոդվածը Հարավային Կովկասի զարգացումների վերաբերյալ։ Հեղինակի հիմնական շեշտադրումները ստրոև․

-Չնայած 2020թ. նոյեմբերին Ռուսաստանի նախագահի նախաձեռնությամբ ստորագրված հրադադարի համաձայնագրին, այն չհաջողվեց վերականգնել խաղաղությունը տարածաշրջանում, այլ ընդհակառակը՝ խորացրեց ճգնաժամը։

-Համաձայնագրի 6-րդ կետով նախատեսվում էր Լաչինի միջանցքի ստեղծումը՝ կապ ապահովելու Արցախի և Հայաստանի միջև, սակայն Ադրբեջանը չկարողացավ ապահովել դրա լիարժեք գործարկումը։ Արդյունքում, մոտ 120 հազար արցախահայեր, շրջափակման և հումանիտար օգնության պակասի պատճառով, ստիպված էին լքել իրենց տները։

-Միևնույն ժամանակ, համաձայնագրի 9-րդ կետով Հայաստանը պարտավորվում էր ապահովել ազատ տեղաշարժը Ադրբեջանի և Նախիջևանի միջև, սակայն Ադրբեջանն ու Թուրքիան այդ տարածքը անվանում են «Զանգեզուրի միջանցք», չնայած որ այդ տերմինը փաստաթղթում չի նշվել։ Թուրքիայի և Ադրբեջանի նպատակն է ստեղծել ուղիղ ցամաքային կապ, ինչը կարող է նպաստել «Թյուրքական աշխարհի» գաղափարի իրականացմանը։