Թուրքմենստանում հանդիպել են Իրանի նախագահ Մասուդ Փեզեշքիանը և ՌԴ նախագահ Վլադիմիր Պուտինը: Այս մասին հայտնում է Իրանի նախագահի գրասենյակը:
Հանդիպման ընթացքում Իրանի նախագահն ընդգծել է, որ Թեհրանի և Մոսկվայի միջև հարաբերությունները ջերմ են և ռազմավարական:
«Աշխարհում մեր դիրքորոշումները միմյանց շատ ավելի մոտ են, քան մյուսներինը»,- ասել է Փեզեշքիանը՝ հավելելով, որ Իրանն ու ՌԴ-ն փոխլրացնող կարողություններ ունեն:
Նա հույս է հայտնել, որ ՌԴ-ում ԲՐԻԿՍ-ի նիստի շրջանակներում կստորագրվի Իրան-ՌԴ ռազմավարական համագործակցության մասին փաստաթուղթը:
Իր հերթին Վլադիմիր Պուտինն ընդգծել է, որ Իրանի հետ համագործակցությունը ՌԴ առաջնահերթություններից է: Նա շեշտել է, որ Իրանի ու ՌԴ համաշխարհային մոտեցումները նույնն են:
Հետևեք մեզ տելեգրամում
