Վրաստանի Պետական անվտանգության ծառայությունը տեղեկացրել է, թե առաջիկա օրերին՝ ընտրություններին ընդառաջ, իշխանական ներկայացուցիչների մասնակցությամբ իբրև կեղծ տեսագրություններ և ձայնագրություններ են տարածվելու։ ՊԱԾ-ը հաղորդագրության մեջ նշել է, թե դրանք ստեղծվել են արհեստական բանականության և այլ ժամանակակից տեխնոլոգիաներով և միտված են պրովոկացիաներ ստեղծելու։
«Այս կեղծ տեղեկատվության տարածման նպատակն իշխանական թևերի միջև հակամարտություն հրահրելն է, ինչպես նաև իշխանության և ուղղափառ եկեղեցու միջև տարաձայնություն սերմանելը և արևմտյան գործընկերների հետ հարաբերությունների վատթարացումը»,- ասված է հաղորդագրության մեջ։
Վրաստանում խորհրդարանական ընտրությունները տեղի կունենան հոկտեմբերի 26-ին։ Իշխող կուսակցությունը, որը 12 տարի է, ինչ իշխանության ղեկին է, կփորձի հաղթել արդեն 4-րդ անգամ։ Նրա հիմնական մրցակիցները համարվում են 4 ընդդիմադիր կուսակցություններ, որոնք խորհրդարան անցնելու համար պետք է հաղթահարեն 5 տոկոսանոց շեմը։
Հետևեք մեզ տելեգրամում
