ՀԱՄԱՍ-ի սպանված առաջնորդ Յահյա Սինվարը մերժել է ապրելու և ողջ մնալու հնարավորությունը՝ հրաժարվելով իրեն արված առաջարկից: Այս մասին գրում է «Wall Street Journal» թերթը՝ վկայակոչելով արաբական, ամերիկյան, ինչպես նաև ՀԱՄԱՍ-ի աղբյուրներին:
Ըստ տեղեկության՝ արաբ բանակցողներն առաջարկել են Սինվարին թույլ տալ Եգիպտոսին բանակցել Իսրայելի հետ ՀԱՄԱՍ-ի փոխարեն Գազայում հրադադար հաստատելու համար, սակայն Սինվարը մերժել է:
Թերթի համաձայն՝ Սինվարը հույս է ունեցել, որ հոկտեմբերի 7-ի իր բռնկված պատերազմը Իրանին և նրա վստահելի ուժերին կներքաշի Իսրայելի դեմ տարածաշրջանային պատերազմի մեջ:
«Ես շրջափակման մեջ չեմ, ես Պաղեստինի հողում եմ», – իբրև թե արաբ միջնորդներին ասել է Սինվարը՝ պատերազմի սկսվելուց անմիջապես հետո:
«Wall Street Journal»-ը նաև գրել է, որ Սինվարը կանխատեսել էր, որ ՀԱՄԱՍ-ը պետք է զիջումների գնար, սակայն միևնույն ժամանակ հրահանգել էր ոչ մի դեպքում զիջումների չգնալ:
Սինվարը խորհուրդ է տվել ՀԱՄԱՍ-ին իր մահից հետո առաջնորդների խորհուրդ նշանակել, որը կղեկավարի և կհամակարգի շաժումը:
Թերթը նաև բացահայտել է, որ նախքան հոկտեմբերի 7-ի հարձակումն, իսրայելական ղեկավարությունը չի ծրագրել սպանել Սինվարին՝ չնայած բազմաթիվ հնարավորություններին: Իսրայելցի պաշտնոյաների միջև առկա անհամաձայնություններն ու ժամանակի վատ կառավարումն հանգեցնում էին Սինվարի ողջ մնալուն:
Հաղորդվել է, որ Իսրայելի վարչապետ Բենիամին Նեթանյահուն թույլատրել է երկու հարված հասցնել՝ Սինվարին և Մուհամմադ Դեյֆին սպանելու համար, սակայն երկուսն էլ ձախողվել են:
Հետևեք մեզ տելեգրամում
