Կապանում մեկնարկել է «Հայաստան-Իրան. Համագործակցություն և հեռանկարներ» անունը կրող փորձագիտական համաժողովը:
Համաժողովի բացման ժամանակ ողջույնի խոսքով հանդես են եկել Հանրային կապերի և տեղեկատվության կենտրոնի տնօրեն Գոռ Ծառուկյանը, Սյունիքի մարզպետ Ռոբերտ Ղուկասյանը և Հայաստանում Իրանի արտակարգ և լիազոր դեսպան Մեհդի Սոբհանին:
Նշենք, որ համաժողովը կազմակերպվել է Հանրային կապերի և տեղեկատվության կենտրոնի կողմից: Փորձագիտական եռօրյա համաժողովի աշխատանքները մեկնարկել են նոյեմբերի 5-ին:
Իրանի առաջատար ուղեղային կենտրոնների, լրատվական գործակալությունների ներկայացուցիչները հանդիպումներ են ունեցել ՀՀ փոխվարչապետ Մհեր Գրիգորյանի, ԱԽ քարտուղար Արմեն Գրիգորյանի և ՏԿԵՆ փոխնախարարներ Արմեն Սիմոնյանի ու Քրիստինե Ղալեչյանի հետ։
Իրանցի փորձագետներին ներկայացվել են Հայաստան-Իրան փոխգործակցության բազմազանեցման, խորացման ընթացքն ու տեսլականը, Հայաստանի դիրքորոշումները տարածաշրջանում տրանսպորտային ապաշրջափակման, սահմանազատման, Հայաստան-Ադրբեջան հարաբերությունների կարգավորման գործընթացների, ինչպես նաև Խաղաղության խաչմերուկ նախագծի վերաբերյալ։
Հետևեք մեզ տելեգրամում
