Թուրքիայի նախագահ Թայիփ Էրդողանը հայտարարել է, որ տրամաբանական բացատրություն չի տեսնում, որ երկար ժամանակ է՝ արգելափակվում է Եվրամիությանը որպես լիիրավ անդամ միանալու Թուրքիայի ջանքերը։
«Չկա ոչ մի ողջամիտ բացատրություն ԵՄ-ին անդամակցելու գործընթացը երկար տարիներ արգելափակելու համար այնպիսի թեկնածու երկրի համար, ինչպիսին Թուրքիան է, որը նշանակալի ներդրում է ունեցել մայրցամաքի բարգավաճման և անվտանգության գործում»,- նշել է Էրդողանը։
Նա նաև ԵՄ-ին «կոնկրետ համագործակցության» կոչ է արել Թուրքիայի կողմից ահաբեկչական ճանաչված Քրդստանի բանվորական կուսակցության և FETO-ի դեմ պայքարում, որին Անկարան մեղադրում է 2016 թվականի հուլիսի հեղաշրջման փորձին մասնակցության մեջ։
Հետևեք մեզ տելեգրամում
