Վրաստանի ղեկավարությունը հրաժարվել է օտարերկրյա դեսպաններին հրավիրել նորընտիր խորհրդարանի առաջին նիստին, որը կկայանա նոյեմբերի 25-ին։ Այս մասին լրագրողներին հայտնել է Վրաստանի օրենսդիր մարմնի խոսնակ Շալվա Պապուաշվիլին։
«Խորհրդարանի առաջին նիստին հրավիրված են կառավարության անդամները, ինչպես նաև սահմանադրական մարմինների ներկայացուցիչներ: Ինչ վերաբերում է դեսպաններին, ապա նրանք հրավիրված չեն առաջին հանդիպմանը: Ընտրությունները և խորհրդարանի առաջին նիստը մեր ներքին խնդիրներն են: Արտաքին ազդեցությունը նվազագույնի հասցնելու համար կարևոր է, որ օտար պետությունների դեսպանների մասնակցությունն այս գործընթացում պարտադիր չլինի»,-ասել է Պապուաշվիլին։
Նշենք, որ անցած տարիների հաստատված պրակտիկայի համաձայն՝ օրենսդիր մարմնի առաջին նիստերին ներկա են եղել օտարերկրյա դեսպաններ։
Հետևեք մեզ տելեգրամում
