Աբխազիայի նախկին նախագահ Ասլան Բժանիան, ով հրաժարական է տվել ընդդիմության բողոքի ակցիաների պատճառով, կառաջադրի իր թեկնածությունը հանրապետության ղեկավարի առաջիկա արտահերթ ընտրություններում։
«Ես անպայման մասնակցելու եմ Աբխազիայի քաղաքական կյանքին, գիտեմ, որ մենք մասնակցելու ենք ընտրություններին, իմ թիմը կմասնակցի ընտրություններին»,-հայտարարել է նախկին նախագահը։
Հիշեցնենք, որ Բժանիան հրաժարական էր տվել նոյեմբերի 19-ին ընդդիմության հետ բանակցություններից հետո։ Ընդդիմությունը բողոքի ակցիաներ էր սկսել երկրում, քանի որ իշխանությունները մտադիր էին Ռուսաստանի հետ նոր ներդրումային համաձայնագիր կնքել, ինչը ռուս իրավաբանական անձանց թույլ կտար հանրապետության տարածքում ներդրումային ծրագրեր իրականացնել։
Նոյեմբերի 25-ին աբխազական 13 կազմակերպություններ, այդ թվում՝ Աբխազիայի ավագների միությունը և մտավորականների միությունը, ընդդիմադիր կուսակցություններն ու հասարակական կազմակերպությունները դիմել են խորհրդարանի նախագահ Լաշա Աշուբային՝ կոչով մերժել Ռուսաստանի կողմից ներդրումային ծրագրերի իրականացման մասին համաձայնագրի վավերացումը։
Հետևեք մեզ տելեգրամում
