Պաղեստինյան «ՀԱՄԱՍ» շարժումը ազդակներ է հղել, որ պատրաստ է Իսրայելի հետ Գազայի հատվածում հրադադար հաստատել։ Այս մասին հայտնում է France Presse գործակալությունը՝ վկայակոչելով շարժման պաշտոնյաներից մեկին։
«Մենք Եգիպտոսում, Կատարում և Թուրքիայում գտնվող միջնորդներին տեղեկացրել ենք, որ «ՀԱՄԱՍ»-ը պատրաստ է հրադադարի համաձայնագրի և գերիների փոխանակման լուրջ գործարքի։ Լիբանանում հրադադարի մասին հայտարարությունը հաղթանակ և մեծ հաջողություն է դիմադրության ուժերի համար»,-ասել է պաշտոնյան։
Նշենք, որ այս գիշեր ուժի մեջ է մտել Լիբանանում Իսրայելի և «Հեզբոլլահ»-ի միջև հրադադարը։
Հետևեք մեզ տելեգրամում
