ԱՄՆ-ն և Թուրքիան համաձայնության են եկել Սիրիայում ճգնաժամի կարգավորման և երկրի ապագայի շուրջ։ Այս մասին Թուրքիայի արտաքին գործերի նախարար Հաքան Ֆիդանի հետ հանդիպմանը հայտարարել է ԱՄՆ պետքարտուղար Էնթոնի Բլինքենը։
«Կարծում եմ, որ ԱՄՆ-ի և Թուրքիայի միջև լայն համաձայնություն կա այն հարցում, թե ինչ կցանկանայինք տեսնել ապագայում Սիրիայում՝ սկսած կառավարությունից, որը կլինի և՛ ներառական, և՛ աշխարհիկ»,-ասել է Բլինքենը։
ԱՄՆ Պետքարտուղարը հույս է հայտնել, որ Սիրիայի նոր իշխանությունները կհրաժարվեն համագործակցել ծայրահեղական խմբավորումների հետ և վտանգ չեն ներկայացնի իրենց հարևանների համար, իսկ ապագա կառավարության աշխատանքը պետք ուղղված կլինի կանանց, ինչպես նաև էթնիկ և կրոնական փոքրամասնությունների իրավունքների պաշտպանությանը։
Բլինքենը նաև հույս է հայտնել, որ Սիրիան թույլ կտա քիմիական զենք որոնել և ոչնչացնել, եթե դրանք հայտնաբերվեն իր տարածքում։
Հետևեք մեզ տելեգրամում
