Լիտվան և Էստոնիան ընդլայնել են վրացի քաղաքական գործիչների դեմ պատժամիջոցների ցուցակը՝ ներառելով նաև վարչապետ Իրակլի Կոբախիձեին։ Լիտվայի արտգործնախարարը հայտարարել է, թե չեն հանդուրժելու բռնությունն ու ճնշումները խաղաղ ցուցարարների, լրագրողների և ընդդիմության նկատմամբ։
Վրաստանի կառավարությունն այս կապակցությամբ ափսոսանք է հայտնել՝ նշելով, որ անկախության 33 տարիներին այս երկրները չեն կարողացել ձերբազատվել խորհրդային մտածելակերպից։ Կառավարությունից նաև հայտնել են, որ չեն ընդդիմանալու այդ երկրների հակավրացական որոշման դեմ՝ չվտանգելով ավանդական բարեկամությունը։ Միևնույն ժամանակ շեշտվել է, որ այդ երկրներն ամենասահմանափակ ինքնիշխանությունն ունեն ԵՄ-ում, և կառավարությունները գործում են ոչ թե սեփական ժողովրդի շահերին համապատասխան, այլ՝ օտարերկրյա վարչակազմերի։
Հետևեք մեզ տելեգրամում
