Վրաստանի վարչապետ Իրակլի Կոբախիձեն հակավրացական քայլ է համարել Եվրամիության խորհրդի որոշումը՝ դիվանագիտական անձնագիր ունեցողների համար վիզային ռեժիմի սահմանելու առաջարկը:
Կոբախիձեն հավելել է, որ նման քայլը վնասում է եվրոպական կառույցների նկատմամբ վրաց հասարակության վստահությանը՝ խարխլելով դրանց հեղինակությունն ու խորացնելով անվստահությունը։
Հիշեցնենք, որ դեկտեմբերի 16-ին ԵՄ արտգործնախարարների հանդիպմանը պաշտոնյաները պայմանավորվել են ժամանակավորապես դադարեցնել առանց վիզայի ռեժիմը դիվանագիտական անձնագրեր ունեցող վրացի պաշտոնյաների համար։ Նախարարները դիմել են Եվրահանձնաժողովին այս հարցի վերաբերյալ առաջարկություն անել։ Նախատեսվում է, որ այդ առաջարկությունը ձայների մեծամասնությամբ կընդունվի ԵՄ անդամ պետությունների կառավարությունների կողմից։
Հետևեք մեզ տելեգրամում
