Թուրքիան ուժեր է կուտակում Սիրիայի հետ սահմանի երկայնքով, ինչը կարող է ցույց տալ, որ պատրաստվում է լայնածավալ ներխուժման։ Այսպիսի հայտարարություն է արել The Wall Street Journal-ը՝ հղում անելով ամերիկացի պաշտոնյաներին։
Նրանց խոսքով, Թուրքիան և թուրքամետ զինյալները «ուժեր են հավաքում Սիրիայի հետ սահմանի երկայնքով», ինչն ահազանգող է, որ Անկարան պատրաստվում է «լայնածավալ ներխուժման»: Ինչպես նշել է ամերիկացի պաշտոնյան, թուրքական գործողությունը կարող է անխուսափելի լինել։
«Մենք կենտրոնացած ենք դրա վրա և պնդում ենք, որ պետք է զսպվածություն ցուցաբերել»,- ասել է ամերիկացի պաշտոնյան։
Ավելի վաղ The Washington Post-ը հայտնել էր, որ Սիրիայում քաղաքացիական պատերազմը թուրքամետ զինյալների, որը մաս է կազմում իշխանության եկած ռազմական խմբավորումների կոալիցիայի, և քրդական ուժերի, որոնց աջակցում է ԱՄՆ-ը, կարող է սկսվել Բաշար Ալ-Ասադի իշխանության տապալումից հետո։ Պարբերականը գրել էր, որ պահպանվում է սիրիական ընդդիմության պառակտման, ինչպես նաև արաբական հանրապետության գործերին Իսրայելի, Թուրքիայի և ԱՄՆ-ի միջամտության ռիսկը։ Թուրքամետ խմբավորումների հետագա առաջխաղացումը, հավանաբար, կստիպի քրդական ուժերին նահանջել, ինչն էլ կսպառնա Սիրիայում ԱՄՆ ռազմական ներկայությանը:
Հետևեք մեզ տելեգրամում
