Human Rights Watch (HRW) միջազգային իրավապաշտպան կազմակերպությունը Գազայի հատվածում Իսրայելի գործողությունները ճանաչել է որպես ցեղասպանություն և մյուս պետություններին կոչ է արել միջոցներ ձեռնարկել հրեական պետության դեմ՝ անկլավում մարդասիրական իրավիճակի վատթարացումը կանխելու համար։
«Իսրայելական իշխանությունները միտումնավոր ստեղծեցին այնպիսի կենսապայմաններ, որոնք կոչված էին ոչնչացնել Գազայի հատվածի բնակչության մի մասը և դիտավորյալ զրկել պաղեստինցի քաղաքացիների պատշաճ հասանելիությունը ջրին, ինչը, հավանաբար, հանգեցրեց հազարավոր զոհերի։ Իսրայելի իշխանությունները պատասխանատվություն են կրում մարդկության դեմ հանցագործությունների՝ բնաջնջման և ցեղասպանության գործողությունների համար»,-ասվում է կազմակերպության տարածած հաղորդագրության մեջ։
Նշվում է, որ պետությունները և միջազգային կազմակերպությունները «պետք է ձեռնարկեն բոլոր միջոցները Գազայի հատվածում ցեղասպանությունը կանխելու համար, ներառյալ դադարեցնեն ռազմական օգնությունը Իսրայելին, վերանայեն երկկողմ համաձայնագրերն ու դիվանագիտական հարաբերությունները Իսրայելի հետ և աջակցեն Միջազգային քրեական դատարանին, որպեսզի մեղավորները պատասխանատվության ենթարկվեն։
«Հարյուր հազարավոր մարդիկ վարակվել են հիվանդություններով՝ լուծ, հեպատիտ Ա, մաշկային հիվանդություններ և վերին շնչուղիների ինֆեկցիաներ:Ջրի պակասը հատկապես վնասակար է նորածինների, հղիների և կրծքով կերակրող կանանց ու հաշմանդամություն ունեցող մարդկանց համար»,-ասվում է հայտարարության մեջ։
Ինչպես ավելի վաղ հայտնել էր Գազայի հատվածի առողջապահության նախարարությունը, 2023 թվականի հոկտեմբերին՝ ռազմական գործողության մեկնարկից ի վեր, անկլավում իսրայելական բանակի գործողությունների հետևանքով զոհվել է գրեթե 45,1 հազար պաղեստինցի, վիրավորվել ավելի քան 107,2 հազարը։
Հետևեք մեզ տելեգրամում
