Թուրքիան կաջակցի Սիրիայի նոր իշխանություններին 300 հազարանոց կանոնավոր բանակ ստեղծելու հարցում։ Դրա կազմավորմանը կմասնակցեն թուրք ռազմական խորհրդատուներ և մասնագետներ, հաղորդում է Turkiye թերթը։
«Մեր նպատակն է ստեղծել 300 հազարանոց բանակ մեկ կամ մեկուկես տարվա ընթացքում: Երկրի ներսում ստեղծված բարդ իրավիճակը և իսրայելական վտանգը դա անհրաժեշտ են դարձնում»,-թերթին ասել է արաբական հանրապետության նոր ղեկավարությունը ներկայացնող գեներալ Ահմեդ Օսմանը:
Նրա խոսքով, սկզբնական փուլում կձևավորվի 70-80 հազարանոց զինված ուժերի կորիզ, և ամենակարճ ժամկետում նրանց թիվը կհասնի 150-200 հազարի։ Ստեղծվող բանակը կներառի «Հայաթ Թահրիր ալ-Շամ» խմբավորման մոտ 40 հազար անդամ Իդլիբից, Սիրիայի ժողովրդական բանակից ((Թուրքիայի կողմից աջակցություն ստացող) 50 հազար զինվոր, ինչպես նաև զինվորականներ և հետախուզության պաշտոնյաներ, որոնք առնչություն չունեն նախկին նախագահ Բաշար ալ-Ասադի ռեժիմի հանցագործություններին: Թուրքիայի ռազմական աջակցությունն այս փուլում բացառիկ նշանակություն ունի»,- ասել է Օսմանը։
Հետևեք մեզ տելեգրամում
