Իսրայելի ռազմաօդային ուժերի կործանիչները հունվարի 2-ի հրթիռային հարվածներ են հասցրել Սիրիայի Հալեպ քաղաքի մերձակայքում գտնվող մի քանի ռազմական օբյեկտների վրա։ Այս մասին հայտնում է լիբանանյան Naharnet լրատվական պորտալը։
Ինքնաթիռները գրոհել են Աս-Սաֆիրա շրջանում պաշտպանական կայաններն ու զենքի պահեստները, ինչպես նաև Հալեպի արվարձանում գտնվող հետազոտական կենտրոնը։
Հունվարի 2-ին օդային հարձակում է իրականացվել Աս-Սուվեյդա նահանգի Խալխալի ռազմական օդանավակայանի վրա։ Ռմբակոծվել է սիրիական նախկին բանակի 90-րդ զրահապատ բրիգադի բազան, որը գտնվում է Դամասկոսից 20 կմ հարավ։
Սիրիայում անցումային կառավարության իշխանության գալուց ի վեր Իսրայելը ավելի քան 400 օդային հարձակում է իրականացրել Արաբական Հանրապետության 13 նահանգների ռազմական օբյեկտների ուղղությամբ։
Հետևեք մեզ տելեգրամում
