Սիրիայի նոր ղեկավար Ահմեդ ալ-Շարաան և Լիբանանի վարչապետ Նաջիբ Միկաթին պայմանավորվել են ամուր կապեր հաստատել ու քաղաքական, ռազմական և տնտեսական մակարդակներով հանձնաժողովներ ձևավորել։ Սա Միկաթիի առաջին այցն էր Սիրիա՝ 2011թ․ սկսված քաղաքացիական պատերազմից ու նախկին նախագահ Բաշար ալ-Ասադի իշխանության տապալումից հետո։
Սիրիայի նոր առաջնորդը հույս է հայտնել, որ նոր փուլ կսկսվի երկու երկրների հարաբերություններում՝ հաշվի առնելով նաև այն հանգամանքը, որ 2 տարի դադարից հետո Լիբանանը կրկին նախագահ ունի։
«Մեր և Լիբանանի միջև երկարաժամկետ ռազմավարական հարաբերություններ կլինեն: Մենք և Լիբանանը մեծ ընդհանուր շահեր ունենք»,-ասել է Շարաան՝ նշելով, որ ժամանակն է, որ սիրիացի և լիբանանցի ժողովուրդը կառուցեն դրական հարաբերություններ։
Հետևեք մեզ տելեգրամում
