Թուրքիայի ԱԳՆ-ի ղեկավար Հաքան Ֆիդանը մարտի 25-26-ին այցելելու է Վաշինգտոն։ Պետական «Anadolu» լրատվական գործակալությունը, դիվանագիտական աղբյուրներին հղում անելով, նշել է, որ պաշտոնական այցի ընթացքում նախատեսվում է, որ քննարկվելու են երկկողմ հարաբերություններում հնարավոր ռազմավարական քայլերը և առաջիկայում սպասվող նախագահների հանդիպման նախապաաստման աշխատանքները։
Բացի այդ քննարկվելու են Ուկրաինայում, Պաղեստինում և Սիրիայում տիրող իրավիճակը, ինչպես նաև երկու երկրներին հետաքրքրող տարածաշրջանային զարգացումները և դրանցում համագործակցության հնարավորությունները։
«Anadolu»-ի փոխանցմամբ՝ հանդիպումների ընթացքում Ֆիդանը ընդգծելու է Թուրքիայի նկատմամբ CAATSA-ի պատժամիջոցները հանելու շուրջ աշխատանքներ սկսելու և ԹՀ-ին F-35-ի ծրագիր վերադարձի հարցը վերանայելու կարևորությունը, ինչպես նաև անհրաժեշտությունը՝ վերացնելու ռազմաարդյունաբերության մատակարարումների հարցում խոչընդոտները։
Հետևեք մեզ տելեգրամում
