Թուրքիայի ներքին գործերի նախարար Ալի Երլիքայան հայտնել է, որ Ստամբուլի քաղաքապետ Էքրեմ Իմամօղլուի ձերբակալության հետ կապված բողոքի ցույցերի ժամանակ 1879 մարդ է բերման ենթարկվել, որոնցից 260-ը ձերբակալվել է։ Ցուցարարների գործողությունների արդյունքում տուժել է 150 ոստիկան։
«Վերջին տվյալներով՝ չարտոնված ցույցերը ճնշելու գործողությունների ժամանակ կալանավորված 1879 անձանցից 260-ը ձերբակալվել են։ Դատավորը կարգադրել է ևս 124 կասկածյալի նկատմամբ կիրառել դատական հսկողության՝ այդ թվում տնից դուրս գալու արգելքը: Կասկածյալների նկատմամբ գործը շարունակվում է։ Տուժել է նաև 150 իրավապահ»,-ասել է նախարարը, որի ելույթը հեռարձակել են տեղական հեռուստաալիքները։
Երլիքայան նշել է, որ երկրում տեղի ունեցող բողոքի ցույցերը «սպառնում են Թուրքիայի խաղաղությանը և հանգստությանը»։
Հիշեցնենք, որ ընդդիմության ցույցերը և բողոքի ակցիաները ի պաշտպանություն Իմամօղլուի անցկացվում են ամբողջ Թուրքիայում մարտի 19-ից, երբ նա կալանավորվեց կոռուպցիայի և ահաբեկիչների հետ կապերի մեղադրանքով։ Ամենամեծ հանրահավաքները տեղի են ունեցել Ստամբուլում, Անկարայում եւ Իզմիրում։
Հետևեք մեզ տելեգրամում
