Իտալիան նախատեսում է շուրջ 73,2 միլիոն դոլար տրամադրել Սիրիայում հումանիտար ծրագրերի և ենթակառուցվածքների վերականգնման համար: Այս մասին հայտարարել է Իտալիայի արտգործնախարար Անտոնիո Տայանին։
«Նախնական փաթեթը նախատեսված է հումանիտար նախաձեռնությունների համար՝ հիվանդանոցային և առողջապահական ոլորտում, ենթակառուցվածքների զարգացման և պարենային մատակարարման շղթաների ամրապնդման ուղղությամբ», – ասել է Տայանին՝ խորհրդարանական լսումների ընթացքում։
Իտալիայի ԱԳ նախարարը հավելել է, որ համագործակցության նոր ծրագրերը կմեկնարկեն առաջիկա շաբաթներին: Բացի այդ նախատեսվում է նաև կազմակերխել գործարար ֆորում, որը ուղղված կլինի Սիրիայում վերականգնման աշխատանքներին:
Հիշեցնենք, որ օրեր առաջ Հայաստանից Սիրիա էր ուղարկել 4 բեռնատար մարդասիրական աջակցություն՝ բեռնված սննդով և բժշկական պարագաներով։ Աջակցությունն ուղարկվել էր Հալեպ՝ բնակչության հիմնական կարիքները բավարարելու համար:
Հետևեք մեզ տելեգրամում
