Հայտնի է Սիրիայի նոր կառավարության կազմը

Մարտի 29-ին Սիրիայի նախագահ Ահմադ ալ-Շարաան նշանակել է նոր կառավարության կազմը, որում ընդգրկված են 23 նախարար։ Նրանց թվում կան էթնիկ փոքրամասնությունների՝ ալավիների, դրուզների և քրդերի ներկայացուցիչներ։ Սոցիալական հարցերի և աշխատանքի նախարարությունը ղեկավարում է քրիստոնյա կին Հինդ Կաբավատը։ Նա այս կառավարությունում միակ կին նախարարն է։

Նախարարների ժամանակավոր կաբինետից իրենց պաշտոնները պահպանել են պաշտպանության և արտաքին գործերի նախարարության ղեկավարները։

Սիրիայում առաջին անգամ ստեղծվել են սպորտի և արտակարգ իրավիճակների նախարարություն՝ «Սպիտակ սաղավարտներ» քաղաքացիական կազմակերպության ղեկավար Ռաեդ ալ Սալեհի գլխավորությամբ։

Ալ-Շարաան ինքը կզբաղեցնի վարչապետի պաշտոնը։ Օրենսդրական դաշտը կհամապատասխանի իսլամական իրավունքի նորմերին։

Սիրիայի նոր կառավարությունը իշխանության կմնա հինգ տարի. այս ընթացքում ակնկալվում է, որ երկրում կընդունվի նոր սահմանադրություն և կանցկացվեն ընտրություններ։