Սիրիայի Արաբական Հանրապետության նախագահ Ահմեդ ալ-Շարաան հեռախոսազրույց է ունեցել Իրաքի վարչապետ Մուհամմեդ Շիա ալ-Սուդանիի հետ։
Հեռախոսազրույցի ընթացքում քննարկվել են երկու երկրների երկկողմ հարաբերությունները և տարբեր ոլորտներում դրանց ամրապնդման ուղիները։
Երկուստեք ընդգծվել է երկկողմ հարաբերություններում նոր էջ բացելու կարևորությունը՝ հիմնված համատեղ համագործակցության վրա՝ տարածաշրջանային մարտահրավերներին դիմակայելու և տարածաշրջանում լարվածությունը կանխելու համար։
Զրույցի ընթացքում Ալ-Սուդանին շնորհավորել է նախագահ Ալ-Շարաային Իդ ալ-Ֆիտր տոնի կապակցությամբ՝ մաղթելով նրան և սիրիացի ժողովրդին շարունակական անվտանգություն, կայունություն և առաջընթաց։ Սուդանին հավելել է, որ Իրաքը ողջունում է Սիրիայի նոր կառավարության ձևավորումը՝ վերահաստատելով իր անսասան աջակցությունը Սիրիայի անվտանգությանն ու ինքնիշխանությանը։
Զրույցի ընթացքում քննարկվել են նաև սահմանային անվտանգությունը և թմրամիջոցների մաքսանենգության դեմ պայքարում համագործակցությունը, երկուստեք ընդգծվել է անվտանգության համակարգման ուժեղացման անհրաժեշտությունը՝ կանխելու ցանկացած սպառնալիք, որը կարող է ազդել երկու երկրների կայունության վրա։
Հետևեք մեզ տելեգրամում
