Իսրայելական բանակը Գազայում հարվածել է ՄԱԿ-ի շենքին

Իսրայելական բանակը Ջաբալիայում հարվածել է ՄԱԿ-ի շենքին, որի հետևանքով սպանվել է 9 պաղեստինցի:

Պաղեստինի քաղաքացիական պաշտպանության խոսնակ Մահմուդ Բասսալն ասել է, որ հարվածի թիրախն է դարձել UNRWA-ի շենքը, որտեղ գտնվում էր բժշկական կլինիկա: Տուժածների թվում են նաև տասնյակ վիրավորներ:

Պաղեստինի արտգործնախարարությունը դատապարտել է «UNRWA կլինիկայի ռմբակոծումը Ջաբալիայում»՝ կոչ անելով «լուրջ միջազգային ճնշում» գործադրել՝ դադարեցնելու Իսրայելի հարձակումը։

Նշենք, որ Պաղեստինում պատերազմի վերջին 18 ամիսների ընթացքում Իսրայելը բազմիցս հարվածներ է հասցրել Ջաբալիայում գտնվող ՄԱԿ-ի UNRWA-ի շենքերին: